Day 13 -


आज २८ सप्टेंबर
रविवार , सर्वांचा आवडता रविवार …. आमचा खरेदीचा दिवस
सकाळी छान नाश्ता करून बाहेर पडलो आणि पेन्दल ट्रेन ने (लांबच्या अंतराची ट्रेन) बार्कार्बी नावाच्या जागी गेलो. तिथे IKEA नावाचे एक खूप मोठे दुकान आहे ज्यात घरासाठी लागणाऱ्या सर्व वस्तू मिळतात. IKEA हा स्वीडन चा ब्रांड आहे आणि आता जगभर प्रसिद्ध झाला आहे. टाचणी पासून सोफ्यापर्यंत सर्व वस्तू एकदम वेगळ्या पद्धतीच्या बघायला मिळतात (सर्वच परवडतात अश्यातला भाग नाही)
इथले lamp चे आणि मेण बत्याचे आणि घड्याळांचे section खूप सुंदर आहेत. आम्ही खूप खरेदी केली . कोणी उश्या घेतल्या तर कोणी एकदम वेगळ्या पद्धतीचे दिवे घेतले . मी सर्व शोपिंग फेब्रुवारी मध्ये करण्याचे ठरवले आहे.
तिथून मग स्टोकहोम quality outlet नावाच्या mall मध्ये गेलो तिथे मी tshirts आणि जिम साठी बूट घेतले (त्यासाठी तरी जिम ला जाईन म्हणतो)
तर अश्या तऱ्हेने आजचा पूर्ण दिवस खरेदी करण्यात गेला. सर्वांनी मनसोक्त खरेदी केली आणि अनघा पूजा ला IKEA ची एक झलक बघता आली.
शनिवार रविवार सकाळचे जेवण MacD मध्ये झाले आणि रात्री मनोहर च्या हातच्या जेवणाने मजा आणली  :)
विकेंड संपला पण ….  उद्या ऑफिस  … शुभरात्री

Day 12 -

आज २७ सप्टेंबर
शनिवार …. सकाळीच घरच्यांना फोन झाला आणि आम्ही चौघं बाहेर पडलो. अनघा आणि पूजा पहिल्यांदाच आल्या आहेत स्वीडनला. मनोहर तिसऱ्यांदा आलय पण त्याचे फारसे फिरून झाले नाहीये. आज त्या तिघांना घेऊन पहिले ग्लोबेन नावाच्या जागेवर गेलो. तिथे काचेची लिफ्ट आहे गोल आकाराची ज्याने खूप उंचावर जाऊन शहर बघता येते

त्या नंतर skansen नावाच्या open air musium बघून आलो.  तिथे बर्फाळ प्रदेशातले बरेच प्राणी आहेत आणि जुन्या पद्धतीची स्वीडिश घरे पण आहेत. खूप उंचावर आणि खूप सुंदर अशी हि जागा आहे

सर्वात महत्वाचे म्हणजे आजे cruise ट्रीप बुक केली. १० ऑक्टोबर च्या शुक्रवारी आम्ही जहाजाने तालीन (इस्टोनिया ची राजधानी) ला जाणार आहोत. मी आयुष्यात पहिल्यांदा जहाजाने प्रवास करणार :)

ग्लोबेन आणि स्कांसेन चे काही फोटो -
 

Day 11

आज २६ सप्टेंबर
आला शुक्रवार आला. तस काही आठवडाभर मानेवर खडा ठेऊन काम केले नाहीये पण शुक्रवार आला कि मनाला बर वाटत. खर तर माझं काम अजून सुरु झालच नाहीये. Knowledge Trasfer म्हणजे शिकवणीच चालूये अजुन. कदाचित पुढच्या आठवड्यापासून काम चालू होईल. आज एक घर बघून आलोय. चांगल वाटतंय. लगेच होकार पण कळवला आहे. बघुयात ते काय म्हणतायेत. त्याच घरासमोर जिम ची पण चौकशी करून आलोय. (जिम ची चौकशी करण्यात जेवढा उत्साह दाखवतो तेवढा जिम लावल्यावर दाखवला तर ……… )
रोज घरी फोन होतोय
whats app मुळे पुण्यातल्या मित्रमैत्रिणींशी संपर्कात आहे. जग जवळ आलंय म्हणजे काय ते आत्ता कळतंय.
चला खूप उशीर झालाय ….  झोपतो … विकेंड चा चांगला plan केलेला आहे :)
शुभरात्री

Day 10


आज २५ सप्टेंबर
रोजच्यासारखे हॉटेल ते ऑफिस आणि ऑफिस ते हॉटेल चालूये.
रोजच्याप्रमाणे डब्यात ब्रेड आणि दही भात आहे.
रोजच्याप्रमाणे आजही जागेचे फायनल होऊ शकले नाहीये.
शुभरात्री

Day 9


आज २४ सप्टेंबर
नव्याचे नऊ दिवस संपले असे म्हणायला हरकत नाही. घराचा प्रश्न मात्र अजून सुटला नाहीये. या आठवड्यात काही करून ते मार्गी लावलेच पाहिजे. बाकी ऑफिस आणि हॉटेल जैसे थे. आज भारताने पाठवलेले यान मंगळावर पोचले. अभिमानाची गोष्ट आहे. मी आत्ता ज्या देशात आहे त्यांनी कदाचित आत्तापर्यंत एक पण satelite launch केले नसेल पण या देशात एक पण बस किंवा ट्रेन लेट नसते. जास्त अभिमानाची गोष्ट कुठली हे ज्याचे त्याने ठरवावे. आपण आकाशाला गवसणी घातलीये आता रस्त्यावर लक्ष दिले पाहिजे.
असो
शुभरात्री

Day 8 -


आज २३ सप्टेंबर
आता ऑफिस मध्ये रुळलोय असा म्हणायला हरकत नाही. घरून आणलेले पदार्थ आता संपले आहेत त्यामुळे स्वतः डबा बनवणे चालू झालंय. आज डब्यात Sandwich आणि दही भात होता. रात्रीच्या जेवणाला सध्या कंपनी मिळत आहे. पुण्याहून आलेले मनोहर , पूजा आणि अनघा असतात रोज जेवायला त्यामुळे वेळ कसा जातो कळत नाही आणि सर्वात महत्वाचे म्हणजे मला स्वतःला फार काही बनवावे लागत नाही. आज या पाहुणे लोकांना मेट्रो मधून चक्कर मारून आणली. स्वीडन च्या Public Transport ला सलाम आहे.
शुभरात्री

Day 7 -

आज २२ सप्टेंबर
सोमवार . खर तर सोमवारी ऑफिसला जायच जीवावर येत पण का काय माहित मला आज अजिबात बोर होत नव्हत ऑफिसला जायला. कदाचित इथल्या ऑफिस मुळे असेल किंवा नव्याचे नऊ दिवस असतील. आज पासून ऑफिस मध्ये KT म्हणजे Knowledge Transfer चालू झाले. आता रोज एक सेशन असणार आहे. हळू हळू प्रोजेक्ट बद्दल माहिती मिळू लागली आहे.
जागेचा प्रश्न अजूनही सुटला नाहीये. या आठवड्यात काहीही करून जागेचा प्रश्न सोडवला पाहिजे
आज पहिल्यांदा इथला पाउस अनुभवला. जोरदार पाउस झालाय आणि त्यामुळे आधीच स्वच्छ असलेल स्टोकहोम अजूनच स्वछ आणि सुंदर दिसू लागलय.


 

Day 6 -

आज २१ सप्टेंबर
सर्वांचा आवडता रविवार. आज पण उशिरा उठलो. घरी फोन झाला. मित्र मैत्रीणीना फोन झाले. आज आमच्या दीपस्तंभ ची वार्षिक सहल गेली आहे. २००९ पासून मी कधीच हि सहल बुडवली नव्हती आज पहिल्यांदा बुडली आहे. जर वाईट वाटतंय. धमाल मजा असते दीपस्तंभ ची सहल म्हणजे …. आता थेट पुढच्या वर्षी … चालायचंच ..  काय करणार
आज माझ्या आधीच्या टीम मधल्या दोन मुली महिनाभरासाठी स्वीडन ला आल्या. त्या पण मी ज्या apartment मध्ये उतरलोय तिथेच आहेत त्यामुळे त्या दोघी , मनोहर आणि मी असे चौघ होतो जेवायला. पुण्यातले पराठे खायला मिळाले आणि महत्वाचे म्हणजे आज स्वयंपाक नाही करावा लागला. जेवण झाल्यावर एक चक्कर मारून आलो.
पहिल्यांदा परदेशात आलेल्या व्यक्ती बरोबर फिरण्यात वेगळीच मजा असते. ज्या गोष्टीची आपल्याला सवय झाली असते ती गोष्ट त्यांना नाविन्यपूर्ण वाटते :)

Day 5 -

आज २० सप्टेंबर

शनिवार असल्याने उठायची घाई नाही. एकदम निवांत होतो. पुण्यात बऱ्याच मित्र मैत्रिणींना फोन झाले.  Laptop वर Jab we met सिनेमा बघून झाला. मी ज्या apartment मध्ये राहतोय तिथेच आमच्या टीम मधला मनोहर सोनावणे पण राहतोय. त्याच्याबरोबर जेवलो आणि फिरायला बाहेर पडलेलो. बोटीतून फेरी मारून आलो. त्याने पहिल्यांदा हि फेरी अनुभवली.

एखादा माणूस एखादी गोष्ट पहिल्यांदा अनुभवत असतो तेंव्हा त्याच्या चेहऱ्यावरचे भाव जास्त अनुभवण्यासारखे असतात.

एका शॉपिंग सेंटर मध्ये पण चक्कर मारून आलो. ice cream घेऊन आलो त्यामुळे जेवणा नंतरची स्वीट डिश ची सोय झाली :)
झोपताना पुण्यातले पेपर वाचत होतो. हा जागावाटपाचा तिढा काही सुटत नाही असा दिसतंय. अवघड आहे
असो … शुभरात्री …  उद्या रविवार :) 

Day 4 -

आज १९ सप्टेंबर
शुक्रवार. आयटी कंपन्यांमध्ये शुक्रवारला फार महत्व असत, इथे तर जास्तच. बरीच लोक इथे शुक्रवारी दुपारीच घरी जातात. बऱ्याच लोकांची weekend homes असतात तिथे जातात. त्यामुळे आज निम्मा ऑफिस दुपारीच रिकामे झाले होते. मी पण लवकर निघालो पण आता इथे फारसा काही बघण्याच राहिला नाहीये त्यामुळे घरी जाऊन स्वयंपाकाला लागलो. उद्या शनिवार. सुट्टीचा वार. इथला माझा पहिला वीकेंड. बघू काय काय होतंय
शुभरात्री

Day 3 -

आज 18 सप्टेंबर
आज ऑफिस मध्ये टीम मेंबरने पूर्ण ऑफिस दाखवले. अप्रतिम ऑफिस आहे. workplace असावी तर अशी.
आज घरून डबा घेऊन गेलेलो. संध्याकाळी पण जरा पाककौशल्य आजमावले, हळू हळू जमतंय.
आज एका Indian grocery shop मधून दह्याचा मोठा box आणलाय त्यामुळे उद्या पासून ऑफिस ला दही भात सुरु :)

आमच्या ऑफिस चे काही फोटो -

Day 2 

 

आज 17 सप्टेंबर

आज नवीन कंपनी मधे (क्लाइंट साइटला) पहिला दिवस होता. बरोब्बर वेळेत पोचलो होतो. आजचा दिवस फॉरमॅलिटीस मधेच गेला. टीम शी ओळख झाली (वय वर्ष 50 च्या खालच कोणीही नाहीये टीम मधे .. सर्व सीनियर सिटीझन) नवीन लॅपटॉप मिळाला. लंच साठी जवळच्या हॉटेल मधे गेलेलो. शाकाहारी असण किती वाईट असत याचा परत अनुभव आला. 70 SEK म्हणजे 630 रुपये देऊन ब्रेड खाऊन उठाव लागल. असो उद्या पासून डबा नेणे भाग आहे. 

आत्ता ज्या हॉटेल मधे राहतोय ते 2 आठवड्यात खाली करायचं आहे. त्यामुळे उद्या पहिले फ्लॅट शोध मोहीम हाती घ्यावी लागणार.  

शुभरात्री 

Day 1 - 

आज 16 सप्टेंबर.
पहिला दिवस पुर्ण प्रवासातच गेला. टर्किश Airline ने आलो, Istanbul ला 4 तास थांबलो होता.. प्रचंड बोर झालो पण काय करणार. आता सवय करून घ्यायला हवी .. Arlanda Airport वरून टॅक्सी पकडून घरी आलो. बरोब्बर एक वर्षानी येतोय स्टॉकहोम मधे. खूप छान वाटतय. इथला उन्हाळा अजून संपला नाहीये. 6 पर्यंत लक्ख उन होत, हे शहर वेड लावत !!!

घरी सुखरूप पोचल्याचा फोन झाला....बांधून आणलेले पराठे आणि सांज्याची पोळी खाऊन झाली

आता झोपतो .. उद्या नवीन कंपनी मधे पहिला दिवस :)

नमस्कार

ऑफिसच्या कामासाठी सध्या स्वीडनला (स्टॉकहोम) आलोय. जवळ जवळ 6 महिने इथे असणार आहे. हि माझी स्वीडनची पाचवी ट्रिप आहे. पहिल्या चारही ट्रिप नंतर स्वीडन वर काहीतरी लिहाव अस डोक्यात होत पण आळस ....
या वेळेस दैनंदिनीच लिहावी असा ठरवून हा ब्लॉग सुरु करतोय. 

रोज एक ओळ का होईना पण लिहावी अस डोक्यात आहे. तस रोजच्या रोज लिहिण्यासारखं काही घडणार आहे अश्यातला भाग नाही पण हात लिहिता रहावा हा एक हेतू आहे. 165 दिवस एकटा राहणार आहे. रोज स्वतःला स्वयंपाक करायचा आहे. खूप लोकांना, खूप सणांना आणि खूप क्षणांना मीस करणार आहे पण बरच काही कमावणार पण आहे.

काय गमावतोय, काय कमावतोय हे तुम्हाला या दैनंदिनितून वाचयला मिळेलच. कदाचित माझ बोट धरून थोड फार स्टॉकहोम  पण फिरता येईल तुम्हाला  आणि हो .. माझी दैनंदिनी असल्याने थोडासा पर्सनल पण लिहिलेला असू शकेल ... ज्या अर्थी तुम्ही हा ब्लॉग वाचताय त्या अर्थी तुम्ही माझ्या जवळचे आहात एवढे नक्की :) 

चला तर मग ...  165  दिवसांच्या या लेखन प्रकल्पाला सुरवात करतो .. बघू किती दिवस टिकतोय उत्साह. एक गोष्ट नक्की, खरच रोजच्या रोज ही डायरी लिहिली गेली तर सर्वात जास्त आनंद मलाच होईल, आयुष्याच्या संध्याकाळी एखाद्या कातरवेळी हा ब्लॉग वाचायला फार मजा येईल 

असो .. शुरु किया जाये